Tələbələrə “Ailələr və tələbələr arasında münasibətlər” mövzusunda psixoloji dəstək göstərilir
UNEC İnklüziv Təhsil Mərkəzi, Loqos Psixoloji və Nitq İnkişafi Mərkəzinin birgə təşkilatçılığı ilə “Ailələr və tələbələr arasında münasibətlər” mövzusunda psixoloqla silsilə görüşlər keçirilir.
UNEC İnklüziv Təhsil Mərkəzi və Loqos Psixoloji və Nitq İnkişafi Mərkəzi arasında imzalanmış memorandum çərçivəsində növbəti görüş Maliyyə və mühasibat fakültəsində olub.
Görüşlərin keçirilməsinin məqsədi COVİD-19 pandemiyası dövründə tələbələrdə yaranan psixoloji problemlərin aradan qaldırılması və ümumi psixoloji vəziyyətin yaxşılaşdırılması, ailələr və gənclər arasında yaranan problemlər və onların aradan qaldırılması yolları olub. Görüşdə Loqos Psixoloji və Nitq İnkişafi Mərkəzinin aparıcı mütəxəssisləri Günel Axundova, Orhan Oğulcan Aydoğan və Rəna Quliyeva ailələrin gənclərin universitet və ixtisas seciminə təsirlərindən danışıblar, eləcə də tələbələ-valideyn, ailə-tələbə-karyera münasibətlərindən danışıblar. Tələbələrlə bu istiqamətdə müzakirələr aparıblar.
*
https://news.test.unec.edu.az/xeber/105-telebe/8275-telebelere-aileler-ve-telebeler-arasinda-munasibetler-movzusundapsixoloji-destek-gosterilir